「直接民主課程入門」最後一篇，入面講到由意大利去到德國/冰島海盜黨，都將「數碼直接民主」作為黨綱之一，佢地都係希望消除「政府與人民之間的障礙」而不約而同都認為互聯網會係一個最重要既工具。
有D野其實我地香港都做緊，就係透過社區網絡平台鼓動民眾參與論政同埋將議會既最新消息放上網，但係兩者都不約而同嘗試開創一D議政平台，等成員/支持者唔係透過輿論，而係直接影響組織既決定
不過點數都要數到冰島最激，竟然提出比「全民制憲」更激既「外判制憲」：用FACEBOOK/TWITTER之類既網絡平台，容許所有網民參與編寫憲法，或者對網上公開既憲法比意見。雖然呢個「外判制憲」基於唔同政治因素而被否定左，但係都反映出直接民主基本上已經E-democracy密不可分
所以無論毓民最後是否離開人力，普羅政治學苑點都要派D人去做呢方面既研究，甚至開辦相關課程。
當然，最理想應該係，毓民日後政治組織既發展，應該由一人政黨或魅力型政黨，慢慢過渡到「海盜黨」式既網絡政黨。因為我響網上搵倒所有支持E-democracy既政黨，本身都係用以身作則既方式進行示範，同埋培育「全民直接議政」既習慣。
Search